धर्मापुरी येथे स्थानीक गुन्हे शाखेच्या पथकाने 11 लाख 30 हजार रुपयाचा गुटखा केला जप्त 

धर्मापुरी येथे स्थानीक गुन्हे शाखेच्या पथकाने 11 लाख 30 हजार रुपयाचा गुटखा केला जप्त 

अंबाजोगाई (प्रतिनिधी )

     परळी तालुक्यातील धर्मापुरी बस स्टॅन्ड समोर गुप्त माहिती मिळाल्या वरुन बीड येथिल स्थानिक गुन्हे शाखेच्या पथकाने मारलेल्या छाप्यात 11 लाख 30 हजार रुपयाचा पानमसाला व गुठखा जप्त केला आहे.

    बीड जिल्हा पोलीस अधीक्षक नवनीत कावत यांनी जिल्ह्यातील अवैध धंद्यावर कडक कार्यवाही करण्याचे आदेश दिल्याने स्थानिक गुन्हे शाखेचे पोलीस निरीक्षक शिवाजी बंटेवाड, उप निरीक्षक सुशांत सुतळे यांच्या मार्गदर्शना खाली पो हवा रामचंद्र केकान, पोना गोविंद भताने व पो शी सचिन आंधळे यांच्या टीमला  दिनांक 19/08/2025 रोजी सकाळी साडे दहा  वाजण्याच्या सुमारास धर्मापुरी  शिवारात पेट्रोलिंग करत असताना गोपनीय माहिती मिळाली की एक इसम महाराष्ट्र राज्यात प्रतिबंधित असलेला गुटखा व पान मसाला काळ्या रंगाच्या होंडाई कंपनीची क्रेटा कार मध्ये घेऊन जात आहे, या गोपनीय माहितीच्या आधारे या टीम ने सापळा रचुन सदर कार चा पाठलाग करून छापा टाकला असता त्याच्या कार मधून वेगवेगळ्या कंपनीचा 11 लाख 30 हजार रुपयांचा पान मसाला व गुटखा जप्त केला आहे.

     या प्रकरणी सोमनाथ अशोक फड राहणार धर्मापुरी तालुका परळी जिल्हा बीड याचे विरुद्ध परळी ग्रामीण पो स्टे मध्ये गु.र.न.367/25.कलम 123,274,275,223, प्रमाणे गुन्हा दाखल करण्यात आला आसुन आरोपी फरार आहे.

दत्तात्रय आंबेकर ९४२२९३१४२१