राष्ट्रवादी काँग्रेस शरदचंद्रजी पवार पक्षाच्या अंबाजोगाई शहराध्यक्षपदी ऍड. इस्माईल गवळी यांची निवड, सर्वत्र अभिनंदन

अंबाजोगाई (प्रतिनिधी)
राष्ट्रवादी काँग्रेस शरदचंद्रजी पवार गटाचे धडाडीचे कार्यकर्ते अडव्होकेट इस्माईल गवळी यांची पक्षाची आंबेजोगाई शहराध्यक्ष म्हणून आज निवड करण्यात आली असून बीड जिल्ह्याचे खासदार माननीय बजरंग बप्पा सोनवणे यांच्या हस्ते या निवडीचे पत्र इस्माईल गवळी यांना फक्त करण्यात आले. या निवडी मुळे त्यांचे सर्वत्र अभिनंदन होत आहे.
अडव्होकेट इस्माईल गवळी हे आपला वकील व्यवसाय करत करत मागील अनेक वर्षापासून सामाजिक कार्यात अग्रेसर असून शहरातील विविध चळवळीमध्ये, आंदोलनामध्ये त्यांचा हिरीरीने सहभाग असतो. मागील वर्षी झालेल्या विधानसभा व लोकसभा निवडणुकीत ऍडव्होकेट इस्माईल गवळी यांनी राष्ट्रवादी शरदचंद्रजी पवार पक्षाचे अधिकृत उमेदवार बजरंग बप्पा सोनवणे व पृथ्वीराज साठे यांच्यासाठी अहोरात्र परिश्रम घेऊन मताधिक्य मिळवून देण्यासाठी मोठा हातभार लावला होता.

एडवोकेट इस्माईल गवळी यांच्या मातोश्री सुरैया भाभी चौधरी (गवळी) याही राजकारणात असून यापूर्वी त्यांनी शहराचे नगरसेवक पद भूषवलेले आसल्याने या वर्षी होणाऱ्या नगर परिषदेच्या आगामी निवडणुकीत एडवोकेट इस्माईल गवळी यांचाही निवडणूक लढवण्याचा मानस असून उत्तम वक्ते असलेल्या इस्माईल गवळी यांची आज राष्ट्रवादी काँग्रेस शरदचंद्रजी पवार गटाच्या आंबेजोगाई शहराध्यक्षपदी निवड करण्यात आली.
बीड जिल्ह्याचे खासदार बजरंग बप्पा सोनवणे पक्षाचे जिल्हाध्यक्ष राजेंद्र जी मस्के यांच्या हस्ते व तालुकाध्यक्ष अमर देशमुख माजी आमदार संगीता ताई ठोंबरे, पृथ्वीराज जी साठे, डॉ नरेंद्र काळे, राजसाहेब देशमुख माकेगावकर यांच्या उपस्थितीत इस्माईल गवळी यांना अंबाजोगाई शहराध्यक्ष पदाच्या निवडीचे पत्र सुपूर्द करण्यात आले.
या निवडी मुळे त्यांचे सर्वत्र अभिनंदन होत आहे.
Post Views: 333