भरधाव कारच्या धडकेने दुचाकीस्वार चंद्रकांत गंगणे यांचा मृत्यू राडी गावावर शोककळा

भरधाव कारच्या धडकेने दुचाकीस्वार चंद्रकांत गंगणे यांचा मृत्यू राडी गावावर शोककळा

अंबाजोगाई : (प्रतिनिधी)

   शहरातील रिंगरोडवरील मानवलोक कार्यालया जवळ गुरुवारी रात्री साडे आठच्या सुमारास भरधाव कारने दुचाकीला जोरदार धडक दिली. या अपघातात गंभीर जखमी झालेल्या दुचाकीस्वार चंद्रकांत गंगणे यांचा मृत्यू झाला असून या घटनेमुळे परिसरात एकच खळबळ उडाली.

    चंद्रकांत मुरलीधर गंगणे (वय ५२, रा. राडी, ता. अंबाजोगाई) हे  अंबाजोगाई येथील त्यांच्या घराकडे जात असताना हा अपघात झाला. मानवलोक कार्यालयाजवळ कारने दिलेल्या जोरदार धडकेत ते गंभीर जखमी झाले होते. घटनास्थळी उपस्थित नागरिकांनी तत्काळ त्यांना स्वाराती रुग्णालयात दाखल केले. मात्र तिथे डॉक्टरांनी तपासून त्यांना मृत घोषित केले.

    चंद्रकांत गंगणे हे रांजणी येथील साखर कारखान्यात चीफ केमिस्ट म्हणून कार्यरत होते. त्यांच्या अकाली मृत्यूची खबर येताच राडी गावावर शोककळा पसरली आहे. दरम्यान, या अपघाताची नोंद अंबाजोगाई शहर पोलिस ठाण्यात करण्यात आली असून, पुढील तपास पोलीस करत आहेत.

दत्तात्रय आंबेकर ९४२२९३१४२१