Skip to content
*केजचे तहसीलदार राकेश गिड्डे यांचे रेणापूर नजीक कारच्या भीषण अपघातात दुर्दैवी निधन*
लातूर : केज येथील तहसीलदार राकेश गिड्डे यांचे आज पहाटे लातूर-अंबाजोगाई महामार्गावरील रेणापूर फाट्याजवळ झालेल्या भीषण कार अपघातात निधन झाले. राकेश गिड्डे हे स्वतःच्या एम एच 10 डी क्यु 9895 या क्रेटा कारने प्रवास करत असताना त्यांच्या वाहनाचा अपघात झाला. प्राथमिक माहितीनुसार, कारमध्ये ते एकटेच होते आणि गाडी वेगात असताना अचानक नियंत्रण सुटून पलटी झाल्याने हा अपघात घडल्याचा अंदाज रेणापूर पोलिसांनी वर्तविला आहे. अपघाताची तीव्रता इतकी मोठी होती की यामध्ये त्यांचा जागीच मृत्यू झाला. घटनेची माहिती मिळताच स्थानिक पोलिसांनी तातडीने धाव घेऊन त्यांचा मृतदेह उत्तरीय तपासणीसाठी रेणापूर येथील ग्रामीण रुग्णालयात दाखल केला आहे.
प्राप्त माहिती नुसार राकेश गिड्डे हे मुंबई येथून लातूर ला रेल्वे ने आलेल्या नातेवाईकाला आणण्यासाठी आज पहाटे केज हुन लातूर कडे निघाले होते यातच त्यांच्यावर काळाने घाला घातला.
एका कार्यक्षम आणि तरुण अधिकाऱ्याच्या अशा अचानक जाण्याने महसूल प्रशासनासह संपूर्ण केज तालुक्यावर मोठी शोककळा पसरली असून पोलीस या प्रकरणाचा तपास करत आहेत.
Post Views: 1,424
error: Content is protected !!
