अंबाजोगाई नगर परिषदेचे स्वछता कंत्राट घेऊन वेतन न देणारी श्री स्वामी सर्व्हिसेस कंपनी खरंच पुण्याचीचं आहे का? सर्वत्र संशय कल्लोळ

अंबाजोगाई नगर परिषदेचे स्वछता कंत्राट घेऊन वेतन न देणारी श्री स्वामी सर्व्हिसेस कंपनी खरंच पुण्याचीचं आहे का? सर्वत्र संशय कल्लोळ

अंबाजोगाई (प्रतिनिधी)

       अंबाजोगाई नगरपरिषदेच्या स्वच्छता विभागातील कंत्राटी सफाई कामगारांनी वेतन न मिळाल्याने दिवाळीपासूनच काम बंद करून आंदोलनात्मक पवित्रा घेतल्यानंतर नगरपरिषद कार्यालय समोर आमरण उपोषणाचा मार्ग अवलंब केला व माजी उपनगराध्यक्ष बबन भैय्या लोमटे यांच्या मध्यस्थीने हे उपोषण तूर्त मागे घेण्यात आले असले तरी अद्यापही हे सफाई कामगार कामावर हजर झालेले नसून अंबाजोगाई नगर परिषदेचे स्वछता कंत्राट घेऊन वेतन न देणारी श्री स्वामी सर्व्हिसेस कंपनी खरंच पुण्याचीचं आहे का? या विषयी सर्वत्र संशय कल्लोळ निर्माण झाला आहे.

     मागील अनेक वर्षां पासून अंबाजोगाई नगर पालिकेचा कारभार हा कंत्राट दारा च्या मार्फत सुरु असून सत्तेतील पदाधिकारी व कंत्राटदार यातून त्यांचे लागेबांधे असल्याचे उघड झाले आहे. पाणी पुरवठा विभाग असो की स्वछता विभाग असो या विभागाच्या कंत्राट दारा मार्फत शहरात नगांनाचं सुरु आहे. 

      या कंत्राट दारा संदर्भात नागरिकांच्या तक्रारी असताना वर्तमान पत्रात आवाज उठत असताना नगर परिषद मात्र यांच्यावर कुठलीही कार्यवाही करत नाही. अंबाजोगाई शहर वासियांना पाणी पुरवठा विभागाचा किमान कंत्राटदार कोण आहे याची कल्पना आहे मात्र स्वछता विभागाचा कंत्राटदार हा श्री स्वामी सर्व्हिसेस पिंपरी चिंचवड या नावाची एजन्सी असली तरी ही एजन्सी नेमकी कोणाची या विषयी प्रश्न चिन्ह निर्मान झाले आहे.  

   नुकतेच श्री. स्वामी सर्विसेस पिंपरी चिंचवड या संस्थेच्या कंत्राटदाराकडे गेल्या 3 वर्षापासून अंबाजोगाई नगर परिषदेच्या स्वछता विभागात काम करणाऱ्या महिला व पुरुष कामगारांनी मागील 4 महिन्यांपासून त्यांचा पगार न झाल्याने व एन दिवाळीच्या सणाला पगार देन्याचे आश्वासन देऊन ही ते न दिल्याने व  संबंधित कंत्राटदारांचा सुपरवायजर दि. 17/10/2025 पासून कुठलीही कल्पना न देता अंबाजोगाई शहर सोडून गेल्याने 

सर्व कामगारांनी मुख्याधिकारी प्रियंका टोंगे यांच्या कडे कंत्राट दाराची तक्रार केली व पगारीची मागणी केली.

    मुख्याधिकारी यांनीही शनिवार दि. 18/10/2025 पर्यंत तुमचा पगार होईल असे आश्वासन दिले मात्र या वेळी ही पगार न दिल्याने पुन्हा हे कामगार 20/10/20205 रोजी पुन्हा एकदा मुख्याधिकारी नगर परिषद अंबाजोगाई यांच्याकडे गेले. यावेळी त्यांनी तुमचा संबंध तुमच्या कंत्राटदाराशी आहे. नगर परिषद आणि कंत्राट दाराचा कोणताही संबंध नाही, तुम्ही नगर परिषदेचे कर्मचारी नाहीत असे उत्तर दिले.

   त्या नंतर कामगारांनी फोनवरून कंत्राटदाराच्या सुपरवायझरला फोन केला असता तो म्हणाला कि, जो पर्यंत नगर परिषद अंबाजोगाई माझे बिल अदा करत नाही तोपर्यंत मी तुम्हाला पगार देणार नाही व तुमचा भविष्य निर्वाह निधी देखील जमा करणार नाही. या सर्व प्रकारात कामगारांनी मुख्याधिकारी आणि कंत्राटदार यांच्यावर गुन्हा दाखल करण्याची मागणीही केली

     मात्र त्या नंतर ही कुठलीही कार्यवाही न झाल्याने व कामगारांना वेतन न मिळाल्याने त्यांना दिवाळी सण साजरा करता न आल्याने या सर्व कामगारांनी प्रहार कामगार संघटनेच्या बॅनर खाली नगर परिषद कार्यालया समोर 27 ऑक्टोबर पासून अमरण उपोषण सुरु केले होते. चार दिवसा नंतर राष्ट्रवादी काँग्रेसचे बबन लोमटे यांच्या मध्यस्थीने हे उपोषण मागे घेण्यात आले.

    मात्र शेवटी यातून नगर परिषदेच्या स्वच्छता विभागाचे कंत्राट घेणारी श्री स्वामी सर्व्हिसेस ही एजन्सी नेमकी कोणाची? खरंचच ही एजन्सी पिंपरी चिंचवडची आहे का? या प्रश्नाचे उत्तर काही मिळालेले नाही. 

      जसे या एजन्सीने स्वछता कंत्राट घेतले तसे या एंजन्सीचा जो काही मालक आहे हा अद्याप अंबाजोगाई मध्ये कामगारा समोर आलेला नाही. अंबाजोगाई शहरात 

या सर्व आंदोलना दरम्यान स्वछता कामगारांनी कंत्राट दाराच्या मालकास समोर बोलवा असा अट्टहास केला मात्र तो शेवट पर्यंत समोर आलाच नाही. 

     या सर्व प्रकारा वरून अंबाजोगाई नगर परिषदेचे स्वछता कंत्राट घेऊन वेतन न देणारी श्री स्वामी सर्व्हिसेस कंपनी खरंच पुण्याचीचं आहे की पुण्याच्या नावा खाली अंबाजोगाई शहरातील कोण्या कार्यकर्त्यांची आहे या विषयी सर्वत्र संशय कल्लोळ निर्माण झाला आहे हे मात्र निश्चित.

दत्तात्रय आंबेकर ९४२२९३१४२१