अंबाजोगाई नगराध्यक्ष पदासाठी 8 तर नगरसेवक पदासाठी 108 उमेदवारी रिंगणात
अंबाजोगाई नगराध्यक्ष पदासाठी 8 तर नगरसेवक पदासाठी 108 उमेदवारी रिंगणात
अंबाजोगाई (प्रतिनिधी)
अंबाजोगाई नगरपालिका निवडणुकीमध्ये उमेदवारी अर्ज दाखल करण्याच्या शेवटच्या दिवसापर्यंत नगराध्यक्ष पदासाठी 22 तर नगरसेवक पदासाठी 205 उमेदवारी अर्ज दाखल करण्यात आले होते. आज
उमेदवारी अर्ज मागे घेण्याच्या दिवसा पर्यंत नगराध्यक्ष पदासाठी 8 तर 15 प्रभागातील नगरसेवक पदासाठी 108 उमेदवार निवडणूक रिंगणात उतरले आहेत.
अंबाजोगाई नगरपालिका निवडणुकीच्या निवडणूक रिंगणात उतरण्यासाठी उमेदवारी अर्ज दाखल करण्याच्या शेवटच्या दिवसापर्यंत नगराध्यक्ष पदासाठी 22 अर्ज, नगरसेवक पदासाठी 205 अर्ज निवडणूक निर्णय अधिकारी दीपक वजाळे यांच्याकडे प्राप्त झालेले होते.
या मध्ये जनविकास परिवर्तन आघाडीचे नंदकिशोरजी मुंदडा, लोकविकास महाआघाडीचे राजकिशोर उर्फ पापा मोदी, अखिल भारतीय काँग्रेसचे असिफोद्दीन खतीब, शिवसेना शिंदे गटा कडून गजानन मुडेगावकर या शिवाय शोभाताई सुनील लोमटे यांनी आपले उमेदवारी अर्ज दाखल केलेले होते .
नगर परिषदेच्या 15 प्रभागातील 31 नगरसेवक पदासाठी उमेदवारी दाखल करण्याच्या शेवटच्या दिवशी नगराध्यक्ष पदासाठीच्या शोभा ताई लोमटे यांच्या सह अन्य काही उमेदवारांनी उमेदवारी अर्ज मागे घेतल्या नंतर 8 उमेदवार निवडणूक रिंगणात उतरले असून नगरसेवक पदासाठी 108 उमेदवार निवडणूक रिंगणात उतरले आहेत अशी माहिती निवडणूक अधिकारी दीपक वजाळे, सहाय्यक निवडणूक अधिकारी विलास तरंगे, प्रियंका टोंगे यांनी दिली आहे.
