*कपड्याच्या दुकानासाठी १० लाखांची मागणी; अंबाजोगाईत विवाहितेचा छळ, सासरच्या चौघांवर गुन्हा दाखल!*
*कपड्याच्या दुकानासाठी १० लाखांची मागणी; अंबाजोगाईत विवाहितेचा छळ, सासरच्या चौघांवर गुन्हा दाखल!*
अंबाजोगाई (प्रतिनिधी): लग्नात १५ लाख रुपये खर्च करूनही “मनासारखा मानपान दिला नाही” म्हणून आणि कपड्याचे दुकान टाकण्यासाठी माहेरहून १० लाख रुपये घेऊन ये, या मागणीसाठी मुस्लिम विवाहितेचा अमानुष छळ केल्याची धक्कादायक घटना अंबाजोगाईत उघडकीस आली आहे. याप्रकरणी अंबाजोगाई शहर पोलीस ठाण्यात पतीसह सासरच्या ४ जणांवर गंभीर गुन्हे दाखल करण्यात आले आहेत.
*संसार वाचवण्याचे सर्व प्रयत्न अपयशी*
हे प्रकरण गेल्या ६ महिन्यांपासून सुरू होते. पीडित महिला सिमा आक्रम शेख (वय २२) हिचा संसार तुटण्यापासून वाचवण्यासाठी तिचे कायदेशीर सल्लागार अ‍ॅड. पुरुषोत्तम दहिवाडे यांनी मोठे प्रयत्न केले होते. त्यांच्याच सल्ल्याने हा वाद सामोपचाराने मिटावा म्हणून ‘भरोसा सेल’ मध्येही मध्यस्थी करण्यात आली. मात्र, सासरच्या मंडळींचा कमालीचा आडमुठेपणा (हटधर्मी) आणि क्रूरतेमुळे समेटाचे सर्व प्रयत्न निष्फळ ठरले.
१० लाख रुपये आणण्यास नकार दिला म्हणून पती आक्रम याने पीडितेला लाथाबुक्क्यांनी बेदम मारहाण केली. तसेच सासू-सासऱ्यांनी “पैसे आणले नाही तर तलाक देऊन मुलाचे दुसरे लग्न लावून देऊ” अशी धमकी दिली. अखेर २९ मे २०२६ रोजी विवाहितेची अब्रू वेशीवर टांगून तिला घरातून हाकलून देण्यात आले.
पीडितेच्या तक्रारीवरून पती **आक्रम आस्लम शेख**, सासू **रुक्कय्या आस्लम शेख**, सासरे **आस्लम शेख** आणि दीर **मुकरम आस्लम शेख** (सर्व रा. गुरुवार पेठ, अंबाजोगाई) यांच्याविरुद्ध भारतीय न्याय संहिता (BNS) च्या कलम ११५(२), ३(५), ३५१(२), ३५२ आणि ८५ अन्वये गुन्हा दाखल झाला आहे. पुढील तपास पोलीस हवालदार रुक्मीन खंडू पाचपिंडे करत आहेत.
समाजात अशा हुंडापिसाट प्रवृत्तींमुळे आणखी कोणत्या मुलीचे आयुष्य उद्ध्वस्त होऊ नये, म्हणून नराधमांवर कडक कारवाईची मागणी होत आहे.
